მთავარი / სიახლეები / სერია A / მორატა: “ამ 3 ქულას ოქროს ფასი ჰქონდა”

მორატა: “ამ 3 ქულას ოქროს ფასი ჰქონდა”

ტურინის „იუვენტუსის“ ფეხბურთელმა ალვარო მორატამ „სპეციასთან“ მატჩის (1:0) შემდეგ, რომელშიც მან გამარჯვების გოლი გაიტანა, კომენტარი გააკეთა. ესპანელი ფორვარდის განცხადებით, ამ სამ ქულას ოქროს ფასი ჰქონდა.

„ვიცოდი, რომ მძიმე თამაში იქნებოდა. ბევრი რამის გაუმჯობესება გვჭირდება, მაგრამ ეს არის სამი ქულა, რომელსაც ოქროს ფასი აქვს. შესანიშნავი პირველი ტაიმი გვქონდა, მეორე ნაკლებად, მაგრამ საბოლოო ჯამში მოვიგეთ და ეს მნიშვნელოვანია.

მნიშვნელოვანი იყო, რომ თავდადებით ყველამ ერთად ვითამაშეთ. ჯერ კიდევ ბევრი გვაკლია, რომ უფრო სრულყოფილი გუნდი ვიყოთ, თუმცა, ეს მნიშვნელოვანი 3 ქულა ადა ისევ დავიბრუნეთ ერთად თავდადების სურვილი. გოლს ჩემს მეუღლეს ვუძღვნი, რომელსაც გუშინ დაბადების დღე ჰქონდა.

პერინს იმიტომ ჩავეხუტე, რომ ერთად ვივახშმეთ და დავპირდი, რომ გოლს გავიტანდი. მიზანი ჩემპიონთა ლიგის საგზურია თუ სკუდეტოს მჯერა? ყოველ დღე ვფიქრობთ მომავალ ვარჯიშსა და თამაშზე. ყველა მატჩი უნდა ვითამაშოთ სწორი მიდგომით და შემდეგ ვნახოთ რა იქნება“, – თქვა მორატამ.

შეგახსენებთ, რომ „იუვენტუსი“ მომდევნო მატჩს 12 მარტს სტუმრად გენუის „სამპდორიასთან“ გამართავს.

შემთხვევითი სიახლე

“ლიდსმა” მაკკენის შეუთანხმდა, “იუვესთან” მოლაპარაკებები გრძელდება

ტურინის „იუვენტუსის“ ნახევარმცველი ვესტონ მაკკენი „ლიდს იუნაიტედში“ გადასვლასთან ახლოსაა. იტალიური მედიის ცნობით, 24 წლის ფეხბურთელსა …

პოგბა და ვლაჰოვიჩი “მონცასთან” მატჩისთვის მზად იქნებიან: ტესტმა კარგი პასუხი აჩვენა

ტურინის „იუვენტუსისთვის“ ურთულეს პერიოდში კარგი ამბავიცაა, რადგან დუშან ვლაჰოვიჩი და პოლ პოგბა სათამაშოდ მზად არიან. …