Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ ყოფილი ფეხბურთელი კლაუდიო მარკიზიო ჯორჯო კიელინის დაემშვიდობა. მარკიზიომ დაწერა, რომ კიელინი ყოველთვის კაპიტნად დარჩება.
„აქ დაიბადა ყველაფერი, გაიზარდა და განვითარდა. სწორედ აქ ვტკბებოდით და ვიტანჯებოდით ერთად. სწორედ აქ დავბრუნდით, რომ ჩაგეხუტოთ, ჩვენს სახლში, ჩვენს ხალხში, აღვნიშნოთ ის, რაც იყავი, წარმოვიდგინოთ როგორი იქნები. კაპიტანი, ყოველთვის და ნებისმიერ შემთხვევაში“, – დაწერა მარკიზიომ.
შეგახსენებთ, რომ მარკიზიო და კიელინი თანაგუნდელები 12 წლის განმავლობაში იყვნენ.
