მთავარი / სიახლეები / მაკკენი შესაძლოა “იუვეს” სეზონის ბოლო ნაწილში დაუბრუნდეს

მაკკენი შესაძლოა “იუვეს” სეზონის ბოლო ნაწილში დაუბრუნდეს

ტურინის „იუვენტუსის“ ფეხბურთელის, ვესტონ მაკკენის სარეაბილიტაციო პერიოდი კარგად მიმდინარეობს და შესაძლოა, უფრო სწრაფად გამოჯანმრთელდეს, ვიდრე ეს ნავარაუდევი იყო.

ამერიკელ ნახევარმცველს პირველად პროგნოზით მიმდინარე სეზონში ვეღარ უნდა ეთამაშა, მაგრამ Tuttosport-ი წერს, რომ ვესტონის გამოჯანმრთელების პროცესი ძალიან კარგად მიმდინარეობს.

შედეგად, გამოცემის ცნობით, მაკკენი შესაძლოა აპრილის ბოლოს გამოჯანმრთელდეს და სეზონის ბოლო ოთხ თამაშში მწვრთნელის განკარგულებაში იყოს – „ვენეციასთან“, „ჯენოასთან“, „ლაციოსთან“ და „ფიორენტინასთან“. გარდა, პოტენციურად იტალიის თასის ფინალში.

შეგახსენებთ, რომ ვესტონ მაკკენიმ ტრავმა თებერვალში, „ვილიარეალთან“ შეხვედრაში მიიღო. მიმდინარე სეზონში 23 წლის ფეხბურთელმა 28 მატჩში 4 გოლის გატანა მოახერხა.

შემთხვევითი სიახლე

კიეზამ გუნდთან ერთად ვარჯიში მალე უნდა დაიწყოს

ტურინის „იუვენტუსის“ ნახევარმცველის, ფედერიკო კიეზას შესახებ Tuttosport-ი პოზიტიურ ინფორმაციას ავრცელებს. როგორც ტურინული გაზეთი წერს, 3 …

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …