მთავარი / სიახლეები / მაკკენი: “იმედი მაქვს, რომ აპრილის ბოლოს დავბრუნდები”

მაკკენი: “იმედი მაქვს, რომ აპრილის ბოლოს დავბრუნდები”

ტურინის „იუვენტუსის“ ნახევარმცველმა ვესტონ მაკკენიმ განაცხადა, რომ მისი სარეაბილიტაციო პერიოდი კარგად მიმდინარეობს. თავდაპირველი ინფორმაციით, ვესტონს მიმდინარე სეზონში ვერ უნდა ეთამაშა, მაგრამ ბოლო ცნობებით, ის შესაძლოა აპრილის ბოლოს სათამაშოდ მზად იყოს.

„ამ მომენტში ჩემი მიზანი ტრავმის მოშუშება და გუნდთან ერთად დაბრუნებაა. მხოლოდ ამაზე ვფიქრობ. ცხადია, არის ბევრი ფაქტორი, რაზეც ჩემი დროული დაბრუნება დამოკიდებულია, მაგრამ იმედი მაქვს, ეს მალე მოხდება. სარეაბილიტაციო პერიოდი კარგად ვითარდება და იქნებ, აპრილის ბოლოს მოედანზე დავბრუნდე, რითაც სეზონის ბოლო ნაწილში „იუვენტუსს“ დავეხმარები“, – თქვა მაკკენიმ.

შეგახსენებთ, რომ ვესტონ მაკკენიმ ტრავმა თებერვალში „ვილიარეალთან“ მიიღო. მან მიმდინარე სეზონში 28 მატჩი ჩაატარა და 4 გოლი გაიტანა.

შემთხვევითი სიახლე

“იუვე” – “ატალანტა”: ფეხბურთელთა შეფასებები

ტურინის „იუვენტუსი“ სერია A-ს მე-19 ტურში „ატალანტას“ საკუთარ მოედანზე დაუზავდა (3:3). გთავაზობთ ფეხბურთელთა შეფასებებს Calciomercato-ს …

ფერერო და სკანავინო ფეხბურთელებს: “ახლა, ყველამ ჩვენი საქმე უნდა ვაკეთოთ”

ტურინის „იუვენტუსის“ პრეზიდენტი ჯანლუკა ფერერო და აღმასრულებელი დირექტორი მაურიციო სკანავინო ფეხბურთელებს შეხვდნენ. კლუბის ახალმა ხელმძღვანელებმა …