Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ ფეხბურთელებმა ხუან კუადრადომ და მატია დე შილიომ ხანგრძლივი პაუზის შემდეგ დღეს გუნდთან ერთად ნაწილობრივ ივარჯიშეს.
ჯერჯერობით, უცნობია, როდის იქნებიან სათამაშოდ მზად, მაგრამ ვარჯიში რომ დაიწყეს, ეს უკვე კარგი სიახლეა.
კუადრადომ ბოლოს მუნდიალის პაუზამდე „ლაციოსთან“ ითამაშა. მან მიმდინარე სეზონში 20 შეხვედრა ჩაატარა და გოლი არ გაუტანია. რაც შეეხება დე შილიოს, ის ლაზარეთში უფრო დიდი ხანი იყო. მატიას აქტივში მიმდინარე სეზონში მხოლოდ 11 თამაშია.
შეგახსენებთ, რომ „იუვენტუსი“ 19 იანვარს, იტალიის თასის მერვედფინალში „მონცას“ დაუპირისპირდება.
