მთავარი / სიახლეები / კიელინი: “სერია A-ს რეფორმა სჭირდება, პლეი-ოფის სისტემა უნდა დავნერგოთ”

კიელინი: “სერია A-ს რეფორმა სჭირდება, პლეი-ოფის სისტემა უნდა დავნერგოთ”

ტურინის „იუვენტუსის“ კაპიტანმა ჯორჯო კიელინიმ იტალიურ მედიას ინტერვიუ მისცა, რომელშიც თქვა, რომ სერია A-ს რეფორმა სჭირდება და კარგი იქნება, თუ პლეი-ოფის სისტემას შემოიღებენ, რაც უფრო მეტ ინტერესს გამოიწვევს.

„სანამ ფეხბურთელი ხარ, მხოლოდ თამაშზე ხარ ორიენტირებული და დღემდე ჩემს გონებაში 100%-ით ფეხბურთელი ვიყავი. როცა ამ საქმეს აკეთებ, მხოლოდ ასეა შესაძლებელი. რა თქმა უნდა, მომავალში ვისურვებდი, რომ მენეჯერი გავხდე და გავიაროს ეს გზა, რომელშიც გამოვიყენებდი წლების განმავლობაში დაგროვებულ გამოცდილებას. კარგად ვიცნობ ამ სპორტს, მაგრამ ეს არ არის საკმარისი, ამიტომ ამ საქმიანობის შესწავლა მიმწევს.

იტალიური ფეხბურთი? წესები და პირველ რიგში მენტალიტეტი უნდა შეიცვალოს. საუკეთესო ინოვაციურ წინადადებებს ებრძვიან, რაც შეცდომაა. ბიზნესისა და ინვესტიციების სამყაროში შესაძლებლობების გამოყენება ხდება. ავიღოთ სტადიონები: ყველამ იცის, რომ სტადიონებს იტალიაში განახლება სჭირდებათ, საჭიროა, ოჯახების, ბავშვების ჩართვა ისე, რომ მათ სტადიონზე სიარულის სურვილი ჰქონდეთ. თუმცა, ყოველთვის არის ბიუროკრატიული შეფერხება ან ვინმე, ვინც სტადიონების აშენებას ან განახლებას ხელს უშლის.

მე ასევე ვიფიქრებდი ჩემპიონატის ფორმატის შეცვლაზე, ეს უნდა გადაიხედოს. პლეი-ოფის სისტემის შემოღება არაპროგნოზირებადს გახდის სერია A-ს, ეს იქნება არაჩვეულებრივი მოვლენა, რომელსაც შეუძლია მილიონობით ადამიანი დააინტერესოს“, – თქვა კიელინიმ.

შეგახსენებთ, რომ დიდი ალბათობით ჯორჯო კიელინი მიმდინარე სეზონის ბოლოს „იუვენტუსს“ დატოვებს და კარიერას MLS-ში გააგრძელებს, ხოლო შემდეგ „იუვეში“ მენეჯრის როლში დაბრუნდება.

შემთხვევითი სიახლე

როველა გვარდიოლას მოსწონს – ვითარება “იუვეს” ნახევარდაცვაში და პერსპექტივები

ტურინის „იუვენტუსის“ ნახევარმცველი ნიკოლო როველა მიმდინარე სეზონს იჯარით „მონცაში“ ატარებს, თუმცა, ის ერთ-ერთი ყველაზე პერსპექტიული …

“იუვენტუსი” 6 დეკემბერს შეიკრიბება, ორი ამხანგური მატჩიც დაიგეგმა

ტურინის „იუვენტუსი“ მსოფლიოს ჩემპიონატით გამოწვეულ თვესა და 3 კვირას გამოიყენებს და შეკრებას გაივლის, რომლის ფარგლებში …