მთავარი / სიახლეები / კაპელო: “ალეგრიმ თამაშის წაკითხვა დააგვიანა”
during a practise round for the Alfred Dunhill Links Championship at The Old Course on October 5, 2016 in St Andrews, Scotland. (Photo by Ian Walton/Getty Images)

კაპელო: “ალეგრიმ თამაშის წაკითხვა დააგვიანა”

ლეგენდარულმა იტალიელმა მწვრთნელმა ფაბიო კაპელომ ჩემპიონთა ლიგაზე „იუვენტუსის“ მარცხის შემდეგ კომენტარი გააკეთა. როგორც მან აღნიშნა, მასიმილიანო ალეგრიმ თამაშის წაკითხვა დააგვიანა.

„იუვეს“ მეორე ტაიმში კარში არ დაურტყამს, მხოლოდ ორი მცდელობა იყო შორიდან. თუ რაღაცას არ შექმნი, რთული იქნება მომდევნო ეტაპზე გასვლა. ბურთი ძალიან ნელა მოძრაობდა, დიბალა თამაშში მანამდე უნდა ჩართულიყო. მეორე ტაიმში არავის უცდია დრიბლინგი, მეტოქის მოტყუება, ბურთს ყოველთვის უკან აბრუნებდნენ.

ემერიმ ორი ფეხბურთელი ჩართო თამაშში და მოიგო. ალეგრიმ შესაძლოა თამაში გვიან წაიკითხა, ან შესაძლოა, ფეხბურთელების ფიზიკურ მდგომარეობას ბოლომდე კარგად არ იცნობს.

იტალიურმა ფეხბურთმა უნდა გაიგოს, რომ მეტი უნდა ვირბინოთ, მეტად უნდა მოვიგოთ ორთაბრძოლები და მეტი ტექნიკით უნდა ვითამაშოთ. ყველაზე მეტად იმის გამო ვწუხვარ, რომ ეს „იუვე“ ჰგავდა „ბარსელონას“, რომელმაც 2010 წელს „ინტერთან“ წააგო, როდესაც მხოლოდ ბურთს ფლობდა. „ბიანკონერის“ საგოლე მომენტები თავით ჰქონდა, მაგრამ მეორე ტაიმში საჯარიმოში არავის ჩაუწოდებია. ისინი ცდილობდნენ ცენტრალური ზონიდან საჯარიმოში შეღწევას, სადაც მეტოქის ბევრი ფეხბურთელი იყო. ემერიმ თამაში ძალიან კარგად მოამზადა და „იუვეს“ ძლიერი მხარეები გაანეიტრალა.

3:0 მეტისმეტი ანგარიშია, მაგრამ „ვილიარეალმა“ ხასიათი გამოავლინა. დიბალა უფრო ადრე უნდა ჩაერთო თამაშში, ის იყო ერთადერთი, ვისაც რამე გენიალურის მოფიქრება შეეძლო, მაგრამ სამაგიეროდ, ყველაზე ცუდ მომენტში შევიდა მოედანზე”, – თქვა კაპელომ.

შეგახსენებთ, რომ „იუვენტუსი“ „ვილიარეალთან“ ორი მატჩის ჯამში 1:4 დამარცხდა და ჩემპიონთა ლიგას მერვედფინალში ზედიზედ მესამედ გამოეთიშა.

შემთხვევითი სიახლე

ესპანური მედია: “იუვენტუსს” ჟორდი ალბას ტრანსფერი სურს

ტურინის „იუვენტუსი“ მომდევნო სეზონისთვის მარცხენა მცველს ეძებს, რადგან ალექს სანდროს კონტრაქტი ეწურება და მასთან თანამშრომლობის …

“იუვენტუსში” სექტემბრის MVP მატია პერინი გახდა

ტურინის „იუვენტუსის“ სექტემბრის საუკეთესო ფეხბურთელად მატია პერინი დასახელდა. იტალიელმა მეკარემ ფანებისგან ყველაზე მეტი ხმა მიიღო …