მთავარი / სიახლეები / სერია A / “კალიარი” – “იუვე”: ფეხბურთელთა შეფასებები

“კალიარი” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს 32-ე ტურში სტუმრად „კალიარი“ მატაის დე ლიხტისა და დუშან ვლაჰოვიჩის გოლებით 2:1 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – მას არაფერი შეეძლო გოლის მომენტში, დანარჩენ შემთხვევაში საქმე თითქმის არ ჰქონია.

დანილო 6 – გამოცდილება და სიბრაზე, თუ საჭიროა.

დე ლიხტი 7 – სწორედ მან გაიტანა გამათანაბრებელი გოლი, რამაც თამაში შეცვალა.

კიელინი 6 – მარინი კარგად ვერ აიყვანა, ხშირად მეტოქის ნახევარზე იყო და ცდილობდა გუნდისთვის მუხტი მიეცა.

პელეგრინი 6.5 – გოლი გაიტანა, მაგრამ არ ჩაუთვალეს, დაცვაში შეცდომები არ დაუშვია და კარგი თამაში ჩაატარა.

კუადრადო 7 – შესანიშნავი საგოლე გადაცემა დე ლიხტზე, ის ყოველთვის ცდილობდა რიცხობრივი უპირატესობის შექმნას შეტევაში.

ბონუჩი შ.გ – მან ბოლო წუთები ითამაშა.

ზაკარია 6 – სარდინიელთა კონტრშეტევებს კარგად შლიდა.

არტური 6 – ჟოაო პედროს გოლის დროს მაყურებლის როლში იყო, თუმცა, დროის გასვლასთან ერთად უკეთესი გახდა და მოედანზე თავიდან ბოლომდე დარჩა.

რაბიო 6 – პელეგრინის გაუქმებულ გოლში არ გაუმართლა, „ინტერთან“ შესანიშნავი მატჩის შემდეგ ნაბიჯი უკან გადადგა.

ბერნარდესკი 6 – ბევრი ვერაფერი შექმნა, მაგრამ გუნდისთვის არც ზიანი მიუყენებია.

დიბალა 6 – მარინმა ბურთი ძალიან ადვილად მოპარა და ანგარიში გაიხსნა. პირველი ტაიმი ცუდად ჩაატარა, შემდეგ კი, როცა თითქოს ალეგრი მის შეცვლას აპირებს, მან მოუმატა და საგოლე პასი გააკეთა.

კინი შ.გ – მან ბოლო წუთები ითამაშა.

ვლაჰოვიჩი 6.5 – ბევრი ბინძური სამუშაო შეასრულა, მაგრამ გოლის გატანას ისევ ვერ ახერხებდა. შემდეგ კი მაინც მოახერხა ზუსტად დარტყმა და გამარჯვების გოლი გაიტანა.

ალეგრი 6 – მთავარი მოგება იყო და „იუვემ“ გაიმარჯვა. ცუდი დასაწყისი, მერე გუნდი მოთმინებით თამაშობდა და ცოტა იღბლით სიტუაციის გამოსწორებაც შეძლო.

შემთხვევითი სიახლე

როველა გვარდიოლას მოსწონს – ვითარება “იუვეს” ნახევარდაცვაში და პერსპექტივები

ტურინის „იუვენტუსის“ ნახევარმცველი ნიკოლო როველა მიმდინარე სეზონს იჯარით „მონცაში“ ატარებს, თუმცა, ის ერთ-ერთი ყველაზე პერსპექტიული …

“იუვენტუსი” 6 დეკემბერს შეიკრიბება, ორი ამხანგური მატჩიც დაიგეგმა

ტურინის „იუვენტუსი“ მსოფლიოს ჩემპიონატით გამოწვეულ თვესა და 3 კვირას გამოიყენებს და შეკრებას გაივლის, რომლის ფარგლებში …