კალვო: “დი მარიას შენარჩუნება გვსურს და კულისებში მოლაპარაკებები გვაქვს”

ტურინის „იუვენტუსის“ წარმომადგენელმა ფრაჩესკო კალვომ ანხელ დი მარიასთან კონტრაქტის განახლების სურვილი დაადასტურა. როგორც მან თქვა, კულისებს მიღმა ამაზე მოლაპარაკებები დაწყებულია.

„როგორც იტალიელი, რომელიც წლების განმავლობაში ცხოვრობდა საზღვარგარეთ, მიკვირს, როდესაც ახალ ამბებში ვკითხულობ იურიდიული აქტების შესახებ ინფორმაციებს. ადვოკატების ხელში ვართ, მაგრამ მინდა ხაზგასმით აღვნიშნო, რომ არანაირი აქტი განხილული არ არის. განაჩენი სასამართლოში უნდა გამოიტანონ.

დი მარიასთან კონტრაქტის განახლება? ის ტექნიკური ლიდერია, როგორც მოედანზე, ისე გასახდელში. ყოველთვის გვსურს მნიშვნელოვანი მოთამაშეები შევინარჩუნოთ, როგორც ეს დანილოსთან მიმართებაში გავაკეთეთ. ვსაუბრობთ კულისებში და თავდაჯერებულები ვართ“, – თქვა კალვომ.

შეგახსენებთ, რომ ანხელ დი მარიას „იუვენტუსთან“ კონტრაქტი მიმდინარე სეზონის ბოლოს ეწურება.