“იუვე” დანილოსთან კონტრაქტის განახლებას აპირებს

ტურინის „იუვენტუსი“ დანილოსთან კონტრაქტის განახლებაზე მუშაობს. ამის შესახებ Gazzetta Dello Sport-ი იტყობინება.

წყაროს თანახმად, ბრაზილიელი მცველით კლუბის ხელმძღვანელობა კმაყოფილია და ის გუნდის ლიდერი არა მხოლოდ მოედანზე, არამედ გასახდელშიცაა. უფრო მეტიც, ლეონარდო ბონუჩის შემდეგ კაპიტნის სამკლაურის გადაცემა მისთვის იგეგმება.

დანილოს „იუვესთან“ მოქმედი კონტრაქტი 2024 წლის ზაფხულში ეწურება და ფეხბურთელიც თანახმაა, რომ კლუბში დარჩეს.

31 წლის მცველი „იუვენტუსში“ 2019 წლიდან თამაშობს და 126 შეხვედრაში 5 გოლი გაიტანა.