“იუვეში” დი მარიას ტრანსფერი პრაქტიკულად გადაწყდა

„პარი სენ ჟერმენის“ ნახევარმცველი ანხელ დი მარია ტურინის „იუვენტუსთან“ ახლოსაა. იტალიური მედიის ცნობით, არგენტინელი ფეხბურთელის ტრანსფერი დიდი ალბათობით, წარმატებით დაიხურება.

დი მარია „იუვესთან“ ერთწლიან კონტრაქტს გააფორმებს და მისი ხელფასი 7 მილიონი ევრო იქნება. შეთანხმებაში გათვალისწინებული იქნება სურვილის შემთხვევაში კონტრაქტის ერთი წლით განახლებაც. დი მარია „იუვეს“ თავისუფალი აგენტის სტატუსით შეუერთდება.

ანხელ დი მარია პსჟ-ში 2015 წლიდან თამაშობდა და 294 შეხვედრაში 91 გოლი გაიტანა. მას ასევე უთამაშია „როსარიო სენტრალში, „ბენფიკაში“, „რეალსა“ და „მანჩესტერში“.