მთავარი / სიახლეები / “იუვეს” ქალთა გუნდმა იტალიის თასის ნახევარფინალში “მილანი” 6:1 გაანადგურა

“იუვეს” ქალთა გუნდმა იტალიის თასის ნახევარფინალში “მილანი” 6:1 გაანადგურა

ტურინის „იუვენტუსის“ ქალთა გუნდმა იტალიის თასის პირველ ნახევარფინალურ მატჩში „მილანი“ სტუმრად 6:1 გაანადგურა და ფინალის საგზური პრაქტიკულად გაინაღდა.

ტურინელთა უპირატესობა აშკარა იყო. ორ-ორი გოლი გაიტანეს კრისტიანა ჯირელიმ და ანიეზე ბონფანტინიმ, ხოლო თითოჯერ თავი ამანდა ნილდენმა და მარტინა როსუჩიმ გამოიჩინეს. აღსანიშნავია, რომ „იუვე“ 6:0-ს იგებდა და მასპინძლებმა პრესტიჟის გოლი მხოლოდ მსაჯის მიერ კომპენსირებულ მესამე წუთზე გაიტანეს.

ამ გუნდების საპასუხო მატჩი 30 აპრილს, ტურინში, ვინოვოზე გაიმართება, მაგრამ ფაქტია, რომ ის შეხვედრა ფორმალობად იქცა და „იუვე“ ფინალში გავა.

„მილანი“ – „იუვენტუსი“ 1:6 (0:2)

გოლები: 0:1 ჯირელი (9), 0:2 ნილდენი (30), 0:3 ჯირელი (62), 0:4 როსუჩი (84), 0:5 ბონფანტინი (88), 0:6 ბონფანტინი (90), 1:6 ტომასი (90)

 

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …