“იუვენტუსმა” ჯანლუკა ფრაბოტა ისევ გაანათხოვრა

ტურინის „იუვენტუსმა“ ჯანლუკა ფრაბოტა კიდევ ერთხელ გაანათხოვრა, ამჯერად „ლეჩეში“. ინფორმაცია ოფიციალურად დადასტურდა.

ფრაბოტა სალენტოელებს ერთწლიანი იჯარით შეუერთდა. ის გასულ სეზონშიც განათხოვრებული იყო, ოღონდ „ვერონაში“, თუმცა ტრავმის გამო თითქმის მთელი სეზონი გაუცდა.

შეგახსენებთ, რომ ჯანლუკა ფრაბოტამ 2020-2021 წლების სეზონში „იუვენტუსში“ 17 მატჩი ჩაატარა, 1 გოლი გაიტანა. მან შავ-თეთრების რიგებში იტალიის თასი და იტალიის სუპერთასი მოიგო.