მთავარი / სიახლეები / “იუვენტუსმა” კატასტროფული სეზონი წაგებით დაასრულა

“იუვენტუსმა” კატასტროფული სეზონი წაგებით დაასრულა

ტურინის „იუვენტუსმა“ სეზონი ზუსტად ისე დაასრულა, როგორც დაიწყო და როგორც ჩაატარა – საშინელი თამაშით.

მასიმილიანო ალეგრის გუნდი ფლორენციაში „ფიორენტინაში“ უშანსოდ დამარცხდა – 0:2. ისე დამარცხდა, რომ საგოლე მომენტიც არ შეუქმნია. საგოლეს ვინ ჩივის, კარისკენ ერთადერთხელ დაარტყა, კარში არ დაურტყამს.

„ფიორენტინამ“ პირველი და მეორე ტაიმის ბოლოს ორჯერ გაიტანა და დამსახურებულად მოიგო. სხვათა შორის, ფლორენციული გუნდი 5-წლიანი პაუზის შემდეგ ევროსარბიელზე ითამაშებს და კონფერენს ლიგის საგზური მოიპოვა.

„იუვენტუსმა“ სეზონი 70 ქულით დაასრულა – 20 მოგება, 10 ფრე 8 წაგება! კატასტროფული მაჩვენებელია, 38 მატჩიდან 8 წაგება და მხოლოდ 20 მოგება. ალეგრის ბევრ რამეზე მოუწევს მუშაობს.

დღეს ტურინელთა მაისური ბოლოჯერ მოირგეს ჯორჯო კიელინიმ, პაულო დიბალამ და ფედერიკო ბერნარდესკიმ, არ უთამაშია ალვარო მორატას, რომელიც ასევე დატოვებს კლუბს. ეს უკვე, რაც გადაწყვეტილია, წასვლა შეიძლება სხვა ფეხბურთელებსაც მოუწიათ.

„იუვენტუსისთვის“ 2021-2022 წლების სეზონი, რომელიც ძალიან წარუმატებელი და უტიტულო გამოდგა (პირველად ბოლო 11 წელიწადში), დასრულებულია. გუნდი ახალი სეზონისთვის მზადებას ივლისის შუა რიცხვებში დაიწყებს, ზუსტი თარიღი მოგვიანებით დაზუსტდება.

„ფიორენტინა“ – „იუვენტუსი“ 2:0 (1:0)

ფლორენცია, „არტემიო ფრანკი“

„ფიორენტინა“ (4-3-3): ტერაჩანო; ვენუტი (ოდრიოსოლა 62), მილენკოვიჩი, იგორი, ბირაგი; ბონავენტურა, ამრაბატი, დანკანი (ტორეირა 85); გონსალესი, პიონტეკი (კაბრალი 85), საპონარა (იკონე 70)

მწვრთნელი: ვინჩენცო იტალიანო

„იუვენტუსი“ (3-5-2): პერინი (პინსოლიო 46); დე ლიხტი, ბონუჩი, კიელინი (რუგანი 46); ბერნარდესკი (აკე 60), ლოკატელი, მირეტი (მაკკენი 76), რაბიო, ალექს სანდრო; კინი (ვლაჰოვიჩი 76), დიბალა

მწვრთნელი: მასიმილიანო ალეგრი

გოლები: 1:0 დანკანი (45), 2:0 გონსალესი (90, პენ)

გაფრთხილება: იგორი (45), ვენუტი (56), ამრაბატი (70) – კინი (44), რაბიო (56), დე ლიხტი (84)

სტატისტიკა – კარისკენ დარტყმები: 13 (4) – 1 (0) ბურთის ფლობა: 67%-33% კუთხურები: 6:2 თამაშგარე: 0:3

მსაჯი: დანიელე კიფი

შემთხვევითი სიახლე

ჯუღელი: “იუვესთან” წინასწარი შეთანხმება გვქონდა და დღეს ხვიჩა ამ გუნდში უნდა ყოფილიყო”

საქართველოს ნაკრების ფეხბურთელის, ხვიჩა კვარაცხელიას აგენტმა მამუკა ჯუღელმა განაცხადა, რომ ქართველი ფეხბურთელი ძალიან ახლოს იყო …

“იუვენტუსმა” “ჯენოას” მცველის ტრანსფერი შეათანხმა

ტურინის „იუვენტუსმა“ „ჯენოას“ 22 წლის მცველის, ანდრეა კამბიასოს ტრანსფერზე შეთანხმებას პრაქტიკულად მიაღწია. იტალიური მედიის ცნობით, …