ტურინის „იუვენტუსი“ ფრანგული „ლიონის“ ნახევარმცველით, ბრუნო გიმარაეშით დაინტერესდა. იტალიელებს 24 წლის ბრაზილიელის გადაბირება იანვარში იჯარით სურთ.
თუმცა, პრობლემა „ლიონის“ მაღალი მოთხოვნებია – იჯარა გამოსყიდვის ვალდებულებით, რომლის საფასური 45 მილიონი ევრო იქნება. ჯერჯერობით სხვა არაფერია ცნობილი, გარდა იმისა, რომ „იუვეს“ ძალიან მოსწონს სამხრეთამერიკელი საყრდენი.
ბრუნო გიმარაეში „ლიონში“ 2020 წლის ზამთარში „ატლეტიკო პარანაენსედან“ გადავიდა და მას შემდეგ 55 მატჩში 3 გოლის გატანა მოახერხა. ბრაზილიის ნაკრებში მას 3 თამაში აქვს ჩატარებული.