ტურინის „იუვენტუსმა“ სამუელ ილინგ-ჟუნიორს ახალი კონტრაქტი გაუფორმა, რომლის თანახმად, ინგლისელი ფეხბურთელი გუნდში 2025 წლის ზაფხულამდე დარჩება.
19 წლის შემტევის კონტრაქტი მიმდინარე სეზონის ბოლოს იწურებოდა. ის ამ სეზონამდე 23-წლამდე გუნდში თამაშობდა, მაგრამ მთავარ გუნდში შანსი გამოიყენა, ორი საგოლე პასი გააკეთა და მასიმილიანო ალეგრიმ ის პირველ გუნდში საბოლოოდ დააწინაურა.
სამუელმა ორიოდ დღის წინ ლონდონის „არსენალთან“ ამხანაგურ მატჩში გოლის გატანაც მოახერხა.