“ვერონასთან” კიეზას თამაში საეჭვოა

ფედერიკო კიეზას თამაში „ვერონასთან“ საეჭვოა. ამის შესახებ ინფორმაცია მასიმილიანო ალეგრიმ გაავრცელა.

უმძიმესი ტრავმის შემდეგ კიეზა მოედანზე ერთი კვირის წინ დაბრუნდა და ჯერ პსჟ-სთან, მერე კი „ინტერთან“ 20-20 წუთი ითამაშა, მაგრამ როგორც ჩანს, ჯერ ბოლომდე მზად არაა.

კიეზამ მუხლში დისკომფორტი იგრძნო, რის გამოც მისი მდგომარეობა კარგად უნდა შეფასდეს და შემდეგ გადაწყდება მოახერხებს თუ „ვერონასთან“ თამაშს.

დიდი შანსია, რომ ტურინში არ გარისკონ და ფედერიკომ მატჩი გამოტოვოს. შეგახსენებთ, „ვერონასა“ და „იუვენტუსის“ შეხვედრა 10 ნოემბერს, თბილისის დროით 21:30 საათზე გაიმართება.