ევროპა ლიგის მეოთხედფინალში “იუვენტუსის” მეტოქე გაირკვა

ევროპა ლიგაზე მეოთხედფინალური ეტაპის წილისყრა გაიმართა, რის შედეგადაც ტურინის “იუვენტუსის” მეტოქე გაირკვა.

მასიმილიანო ალეგრის გუნდი ლისაბონის “სპორტინგს” შეხვდება. პირველი მატჩი 13 აპრილს ტურინში გაიმართება, ხოლო საპასუხო 20 აპრილს ლისაბონში.

გარდა ამისა, ცნობილია, რომ მეოთხედფინალური ბარიერის დაძლევის შემთხვევაში “იუვენტუსი” ნახევარფინალში “მანჩესტერი” – “სევილიას” წყვილში გამარჯვებულს დაუპირისპირდება. აღსანიშნავია, რომ ფინალამდე მისასვლელი მეორე გზა გაცილებით მარტივია – “რომა”, “ფეიენოორდი”, “ლევერკუზენი” ან “უნიონ სენ-ჟილი” – ერთ-ერთი ფინალში ითამაშებს.

შეგახსენებთ, რომ “იუვენტუსმა” ევროპა ლიგაზე ჯერ ფრანგული “ნანტი” (1:1, 3:0) და შემდეგ გერმანული “ფრაიბურგი” (1:0, 2:0) დაამარცხა.

Ai Quarti di Finale #UEL la Juventus affronterà lo @Sporting_CP 💪 pic.twitter.com/sbr9NQD90X

— JuventusFC (@juventusfc) March 17, 2023