მთავარი / სიახლეები / დე ლიხტმა “იუვენტუსს” გაყიდვა მოსთხოვა

დე ლიხტმა “იუვენტუსს” გაყიდვა მოსთხოვა

მატაის დე ლიხტს „იუვენტუსის“ დატოვება სურს. ამის შესახებ ინფორმაცია Corriere Dello Sport-მა გაავრცელა. წყაროს თანახმად, ფეხბურთელი არ აპირებს კლუბთამ კონტრაქტის განახლებას და ტრანსფერი მიმდინარე ზაფხულშივე უნდა.

„იუვეს“ ხელმძღვანელობასა და ნიდერლანდელის აგენტ რაფაელა პიმენტას შორის გუშინ შეხვედრა შედგა, რომელსაც იტალიელთათვის პოზიტიური შედეგი არ ჰქონია. დე ლიხტს, „ბებერ ქალბატონთან“ კონტრაქტი 2024 წლამდე აკავშირებს, ამიტომაც, თუ კლუბი მას ვერ გაახანგრძლივებს, მოუწევს დე ლიხტი გაყიდოს. როგორც ირკვევა, ნიდერლანდელი უკმაყოფილოა კლუბის სატრანსფერო პოლიტიკით და უფრო მეტად ამბიციურ კლუბში თამაში უნდა.

ტურინელებს ხელშეკრულების 2 წლით განახლება კი სურთ, მაგრამ მატაისი უარზეა. ცნობილია, რომ ინტერესს ლონდონის „ჩელსი“ და „მანჩესტერ იუნაიტედი“ იჩენენ, შესაძლოა საქმეში „პარი სენ ჟერმენიც“ ჩაერთოდ. იტალიური გრანდი დე ლიხტს მინიმუმ 70 მილიონ ევროდ აფასებს.

შეგახსენებთ, რომ დე ლიხტი „იუვენტუსს“ 2019 წელს „აიაქსიდან“ 75 მილიონ ევროდ შეუერთდა და მას შემდეგ 117 მატჩში 8 გოლის გატანა მოახერხა.

შემთხვევითი სიახლე

დე ლიხტი: “იუვეზე” ჩემს მიერ გაკეთებული განცხადებები არასწორად გაიგეს”

ტურინის „იუვენტუსის“ ყოფილმა მცველმა მატაის დე ლიხტმა განაცხადა, რომ მის მიერ გაკეთებული კომენტარი „ბიანკონერის“ შესახებ …

“იუვეს” სავარაუდო შემადგენლობა “სასუოლოსთან”

ტურინის „იუვენტუსი“ სერია A-ს პირველ ტურში 15 აგვისტოს, „სასუოლოს“ უმასპინძლებს. მატჩამდე ორი დღით ადრე იტალიურ …