მთავარი / სიახლეები / დე ლიხტი: “კონტრშეტევებზე, როცა მეტი სივრცე გვაქვს, უკეთ ვთამაშობთ”

დე ლიხტი: “კონტრშეტევებზე, როცა მეტი სივრცე გვაქვს, უკეთ ვთამაშობთ”

ტურინის „იუვენტუსის“ მცველმა მატიას დე ლიხტმა ლონდონის „ჩელსისთან“ მატჩამდე პრესკონფერენცია გამართა. ნიდერლანდელბმა მცველმა თქვა, რომ რთული შეხვედრა იქნება, მაგრამ ასეთი თამაშები ყველა ფეხბურთელისთვის სასიამოვნოა.

„სტემფორდ ბრიჯზე“ თამაში დიდ ემოციებს იწვევს. ყოველთვის სასიამოვნოა ასეთი გამოწვევების წინაშე დგომა. „იუვენტუსთან“ ერთად ამ ტურნირის მოგება ოცნებაა, მაგრამ არა მხოლოდ ჩემთვის, არამედ ყველასთვის. თამაშიდან თამაშამდე ვუმატებთ და ასე უნდა გავაგრძელოთ.

გვჭირდებოდა განსხვავებული დამოკიდებულება, სტაბილურობა და ახლა სწორედ ამას ვპოულობთ. გვესმოდა, რომ „იუვეს“ უნდა ჰქონდეს სული, რომლითაც იცის რთულ მომენტებში ერთად თავგანწირვა, მოედანზე სიკვდილი და ვფიქრობ, რომ „ფიორენტინასთან“ და „ლაციოსთან“ მატჩებმა ეს აჩვენა.

„ჩელსი“ ძალიან ხარისხიანი გუნდია, ძლიერები არიან კონტრშეტევებზე და მნიშვნელოვანი თამაშია. მშვიდად უნდა ვიყოთ, ასევე ტექნიკურად კარგად ვითამაშოთ, რაც განსხვავებას ქმნის. პატარა გუნდებთან უფრო გვიჭირს? ვფიქრობ, ეს მენტალური პრობლემაა. ჩემპიონთა ლიგის მატჩები ძალიან განსხვავებულია, უფრო ძლიერ გუნდებს ვხვდებით, რომელიც მეტ სივრცეებს ტოვებენ ჩვენთვის კონტრშეტევებისთვის. კიეზა და მორატა კონტრშეტევებზე ძალიან ძლიერები არიან, ხოლო პატარა გუნდების წინააღმდეგ ნაკლები სივრცეები გვაქვს. ამიტომ, გოლის გასატანად სხვა გზაც უნდა ვიპოვოთ და ამ მხრივ უნდა მოვუმატოთ. ახალი კონტრაქტი? მე მხოლოდ „იუვენტუსზე“ ვარ ორიენტირებული. ლუკაკუ სათადარიგო სკამზე? რომც არ ითამაშოს, რთული მატჩი გველოდება“, – თქვა დე ლიხტმა.

შეგახსენებთ, რომ „ჩელსისა“ და „იუვენტუსის“ მატჩი 23 ნოემბერს, თბილისის დროით 23:45 საათზე გაიმართება და ტურინელებს ჯგუფში პირველ ადგილზე გასასვლელად ფრეც ჰყოფნით.

შემთხვევითი სიახლე

დე ლიხტი: “იუვეზე” ჩემს მიერ გაკეთებული განცხადებები არასწორად გაიგეს”

ტურინის „იუვენტუსის“ ყოფილმა მცველმა მატაის დე ლიხტმა განაცხადა, რომ მის მიერ გაკეთებული კომენტარი „ბიანკონერის“ შესახებ …

“იუვეს” სავარაუდო შემადგენლობა “სასუოლოსთან”

ტურინის „იუვენტუსი“ სერია A-ს პირველ ტურში 15 აგვისტოს, „სასუოლოს“ უმასპინძლებს. მატჩამდე ორი დღით ადრე იტალიურ …