მთავარი / სიახლეები / ბერნარდესკი: “ეს არ არის “იუვესთან” გამოსამშვიდობებელი გოლი”

ბერნარდესკი: “ეს არ არის “იუვესთან” გამოსამშვიდობებელი გოლი”

ტურინის „იუვენტუსის“ ნახევარმცველმა ფედერიკო ბერნარდესკიმ „ფიორენტინასთან“ მატჩის (2:0) შემდეგ კომენტარი გააკეთა. როგორც იტალიელმა ფეხბურთელმა აღნიშნა, ეს გოლი მისთვის ძალიან მნიშვნელოვანი იყო და ახლა მხოლოდ სეზონის დასრულებაზე ფიქრობს და არა კონტრაქტზე, რომელიც 30 ივნისს იწურება.

„ჩემთვის მნიშვნელოვანი გოლი იყო, ბედნიერი ვარ. 3 თვე არ მითამაშია, ეს ტრავმა სამწუხაროდ ცოტა უფრო სერიოზული გამოდგა, ვიდრე ველოდი, მაგრამ კარგად დავძლიე, კარგად ვიმუშავე, ბედნიერი ვარ. რაც მთავარია, დღეს საღამოს ფინალში გავედით და ეს იყო მიზანი, რომლის მიღწევა გვსურდა. ასეთი გამარჯვება გვჭირდებოდა, ჩვენი ხალხის წინაშე, რომლებიც მხურვალედ გვქომაგობდნენ. ამიტომ, ორმაგად კმაყოფილები ვართ.

ეს გოლი „იუვესთან“ გამოსამშვიდობებელია? არა, აბსოლუტურად არა, სეზონი უნდა დასრულდეს, წინ გვაქვს მისაღწევი მიზნები, რომლებსაც უნდა მივაღწიოთ და მთავარი ესაა. ისევ „ინტერთან“ თამაში? უძლიერესი გუნდები ბოლომდე მიდიან და „ინტერი“ შესანიშნავი გუნდია, თუმცა, ასევე, ჩვენს დიდი გუნდი ვართ“, – თქვა ბერნარდესკიმ.

შეგახსენებთ, რომ „იუვენტუსი“ იტალიის თასის ფინალში 11 მაისს, რომში, მილანის „ინტერს“ დაუპირისპირდება.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …