მთავარი / სიახლეები / “იუვე” – “ფიორენტინა”: ფეხბურთელთა შეფასებები

“იუვე” – “ფიორენტინა”: ფეხბურთელთა შეფასებები

ტურინის „იუვენტუსის“ იტალიის თასის საპასუხო ნახევარფინალში ფედერიკო ბერნარდესკისა და დანილოს გოლებით „ფიორენტინა“ 2:0 დაამარცხა და ფინალში გავიდა. გთავაზობთ ფეხბურთელთა შეფასებებს Calciomercato-ს ვერსიით:

პერინი 7 – ის არის იტალიის თასის მეკარე, კონტრაქტი ახლახან გაახანგრძლივა. მეორე ტაიმის დასაწყისში შესანიშნავი ბურთი მოიგერია, ყოველთვის მზად და ყურადღებით იყო.

დე შილიო 5.5 – ზოგჯერ მესამე ცენტრალური მცველი იყო, საკმაოდ კარგად დაიწყო, მაგრამ შემდეგ საპონარასთან გაუჭირდა.

კუადრადო 6.5 – თამაშის დახურვაში მისი დიდი წვლილია შესანიშნავი საგოლე პასით.

ბონუჩი 6 – ძირითადში დაბრუნდა თვენახევრის შემდეგ, კაპიტნის სამკლაურით და გუნდის ლიდერობდა.

დე ლიხტი 6.5 – შეტევაშიც ერთვებოდა, როგორც პირველი გოლის დროს კონტრშეტევაზე გადავიდა, რომელიც ბერნარდესკის გოლით დასრულდა.

ალექს სანდრო 6 – წნეხის ქვეშ ითამაშა, თავიდან „ფიორენტინა“ მისი ზონიდან ცდილობდა შეტევას. თუმცა, ის არ დაცემულა.

ბერნარდესკი 7 – გოლი, კვალიფიკაცია და გათავისუფლება. კარგად ითამაშა, თუმცა ეს არ ცვლის სეზონის მნიშვნელობას და ზოგადად, „ბიანკონერიში“ გატარებულ პერიოდს, რომელიც როგორც ჩანს, სრულდება.

კიელინი შ.გ – მან ბოლო წუთები ითამაშა.

ზაკარია 6.5 – დარბოდა და იბრძოდა. ის აქ ამისთვის არის. შემდეგ ბურთი ძელს გაარტყა, რომელსაც შეეძლო თამაში მოეკლა.

დანილო 7 – ისევ ნახევარდაცვაში ითამაშა, როგორც საშუალება ეძლევა ვერტიკალურ პასებს აკეთებს და ისევ კარგად ითამაშა. მეორე გოლიც მის ანგარიშზეა.

რაბიო 6 – კარგ ფორმაშია და ეს ჩანს. პირველი გოლის კონტრშეტევა სწორედ მან დაიწყო, როცა იკონეს ბურთი წაართვა.

ვლაჰოვიჩი 5.5 – ხშირად თამაშგარეში იყო, ბონუჩის შესანიშნავი პასი ვერ გამოიყენა. ყოფილ გუნდთან გოლი სეზონის ბოლო თამაშისთვის გადაიდო?

კინი შ.გ – მან მოედანზე მხოლოდ რამდენიმე წუთი გაატარა.

მორატა 5.5 – ღია სივრცეში ის უნდა აფეთქდეს, მაგრამ სამაგიეროდ, ბევრჯერ შეცდა, თითქმის ყველაფერში.

დიბალა 6 – შემოდის სტადიონის ტაშის ფონზე, ცუდად არ თამაშობს, მაგრამ არც განსაკუთრებულად.

ალეგრი 6.5 – დაცვა და კონტრშეტევა, ძველებურად. ასე თუ ისე, ნახევარფინალში შინ და სტუმრად გოლგაუშვებლად მოიგო.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …