სარის “იუვენტუსში” ჰისაიც მოჰყვება

ტურინის „იუვენტუსმა“ შესაძალოა „ნაპოლის“ მცველი ელსეიდ ჰისაი დაიმატოს. Corriere Dello Sport-ის ცნობით, მაურიციო სარის, რომელსაც „იუვე“ უკვე შეუთანხმდა, ალბანელი ფეხბურთელის ყიდვა გადაწყვეტილი აქვს.

აღსანიშნავია, რომ სარი ჰისაის ჯერ „ემპოლიში“, მერე კი „ნაპოლიში“ ავარჯიშებდა და მისთვის ერთ-ერთი საყვარელი ფეხბურთელია.

ალბანელმა მცველმა უკვე ოფიციალურად დაადასტურა, რომ ზაფხულში „ნაპოლის“ დატოვებს. უნდა აღინიშნოს, რომ მისი სამსახურით მადრიდის „ატლეტიკოცაა“ დაინტერესებული.