“იუვენტუსმა” დემირალის ტრანსფერი შეათანხმა

იტალიური „სასუოლოს“ მცველის მერიჰ დემირალის „იუვენტუსში“ გადასვლა გადაწყდა. Sky Sport-ის ინფორმაციით, მხარეები ყველა დეტალზე შეთანხმდნენ და დემირალის ტურინში გადაბარგება მხოლოდ დროის საკითხია.

21 წლის ფეხბურთელის სანაცვლოდ „იუვენტუსი“ 15 მილიონ ევროს გადაიხდის. აღსანიშნავია, რომ თურქის შეძენა მადრიდის „ატლეტიკოსაც“ სურდა, მაგრამ როგორც ჩანს, „იუვემ“ კონკურენტს აჯობა.

მერიჰ დემირალი „სასუოლოს“ მიმდინარე წლის იანვარში შეუერთდა და სერია A-ში 14 მატჩში 2 გოლიც გაიტანა. იქამდე კი სამშობლოში „ალანიასფორის“ ღირსებას იცავდა.