დონოვან მიჩელი ფიფაში “იუვენტუსს” ეძებდა

„იუტა ჯაზის“ ვარსკვლავი დონოვამ მიჩელი ფიფას ვიდეოთამაშში „იუვენტუსს“ ეძებდა, მაგრამ ვერ იპოვა. მოგეხსენებათ, ტურინელები ზაფხულიდან ფიფასთან აღარ თანამშრომლობენ და პოპულარულ ვიდეოთამაშში „იუვეს“ სახელწოდებაა – Piemonte Calcio.

„რატომ ვერ ვიპოვე ფიფა 20-ში „იუვენტუსი“? – დაწერა ტვიტერში ამერიკელმა კალათბურთელმა.

აღსანიშნავია, რომ მიჩელს „იუვენტუსის“ სახელწოდება შეცდომით ეწერა (Jueventes) ტურინულმა გუნდმა კი კალათბურთელს უპასუხა:

„გულისხმობდით „იუვენტუსს“? ჩვენ ვართ PES-ში, განსაკუთრებული პაკეტი თქვენს მოლოდინშია, რომ ისიამოვნოთ „ბიანკონერის“ თამაშით“.

Why can’t I find Jueventes on fifa 20?

— Donovan Mitchell (@spidadmitchell) October 19, 2019