Juventus.Ge ტურინის იუვენტუსის ქართული ფან კლუბი
ტურინის „იუვენტუსი“ „ბარსელონას“ თავდამსხმელის, მემფის დეპაის ტრანსფერს უახლოვდება.
რომეო აგრესტის ინფორმაციით, ნიდერლანდელი თავდამსხმელის აგენტებსა და ტურინელებს შორის პოზიტიური კონტაქტია და კონტრაქტიც მზადაა. დეპაის „იუვე“ ორწლიან ხელშეკრულებას სთავაზობს.
თუმცა, ტრანსფერისთვის საჭიროა, რომ „ბარსელონამ“ ფეხბურთელს კონტრაქტი გაუწყვიტოს. ასეთ შემთხვევაში „იუვენტუსი“ მის დამატებას უფასოდ შეძლებს. საინტერესოა, რომ „ბებერ ქალბატონს“ საკომისიოს გადახდა არც აგენტებისთვის მოუწევს.
მემფის დეპაი „ბარსელონას“ გეგმებში არ შედის და კლუბს ისედაც ტრანსფერზე ჰყავს დაყენებული. ამდენად, მისი კლუბიდან უფასოდ გაშვების შანსიც საკმაოდ მაღალია.
