კამბიასო: “იუვე” შინ რამდენიმე მეტრით წინ ითამაშებს, ფანებიც ბიძგს მისცემენ”

მილანის „ინტერის“ ყოფილმა ფეხბურთელმა ესტებან კამბიასომ, რომელიც ახლა საფეხბურთო მიმომხილველია, „იუვენტუსის“ შესახებ ისაუბრა. როგორც არგენტინელმა აღნიშნა, „იუვე“ „ვილიარეალთან“ შინ უფრო აგრესიულ და შემტევ ფეხბურთს ითამაშებს.

„იუვენტუსი“ და ვლაჰოვიჩი კარგები იყვნენ, რომ გოლი ასე სწრაფად გაიტანეს. საპასუხო მატჩი სხვანაირი იქნება, „იუვე“ რამდენიმე მეტრით უფრო წინ ითამაშებს და ზურგს უკან თავისი გულშემატკივრები ბიძგს მისცემენ. „ვილიარეალი“ სახიფათო გუნდად რჩება, მაგრამ „იუვენტუსმა“ ეს იცის და მზად იქნება“, – თქვა კამბიასომ.

შეგახსენებთ, რომ „იუვენტუსისა“ და „ვილიარეალის“ საპასუხო მატჩი 16 მარტს, ტურინში გაიმართება.