“იუვე” – “ლაციო”: ფეხბურთელთა შეფასებები

ტურინის „იუვენტუსმა“ იტალიის თასის ნახევარფინალში „ლაციო“ გლეისონ ბრემერის გოლით დაამარცხა და ნახევარფინალში გავიდა. გთავაზობთ ფეხბურთელთა შეფასებებს Calciomercato-ს ვერსიით:

პერინი 6 – მისი საუკეთესო სეზონი „იუვენტუსში“ ახლა იტალიის თასზე გადის, სადაც ძირითადი მეკარეა.

დანილო 6.5 – დაბრუნდა მარჯვენა ცენტრალურ მცველად, სადაც ის უკეთ თამაშობს.

ბრემერი 7 – იმობილესთან კარგად ითამაშა და გამარჯვების გოლიც გაიტანა.

ალექს სანდრო 6.5 – ფელიპე ანდერსონი უნდა გაეკონტროლებინა და მინიმუმ მისი შეზღუდვა მოახერხა.

კუადრადო 6 – ძირითად შემადგენლობაში დაბრუნდა და „იუვეს“ ძალიან დაეხმარა. მიუხედავად იმისა თუ რა მოხდება მოედანს მიღმა, მომდევნო სეზონისთვის მისი შესაფერისი შემცვლელის პოვნა პრიორიტეტული უნდა იყოს.

დე შილიო შ.გ – მან ბოლო წუთები ითამაშა.

ფაჯოლი 6.5 – თამაში მისთვის არადამახასიათებელი შეცდომით დაიწყო და ბურთი დაკარგა, მაგრამ მარცხენა ცენტრალურ ნახევარმცველად კარგად ითამაშა, მოუმატა და დადებითი ფაქტორი გახდა.

მირეტი 6 – ცენტრალურ ნახევარმცველად უკეთესია, ასე ჯობია.

ლოკატელი 6.5 – დაცვის წინ კატალდის ხელს უშლის და ბევრი იბრძოლა.

რაბიო 6 – თამაში შეიცვალა, როცა ლუის ალბერტო დაიმორჩილა.

კოსტიჩი 6.5 – ძლიერად დაიწყო, პირველი მომენტი მას ჰქონდა და მაშიმიანომ მოიგერია, გაცილებით უკეთ ითამაშა, ვიდრე წინა მატჩები და შემთხვევითი არაა, რომ საგოლე პასის ავტორი გახდა.

ვლაჰოვიჩი 5.5 – მისი კონდიცია არ არის ოპტიმალური და ეს ჩანს. თუმცა, მოედანზე მისი ყოფნაც საკმარისია მეტოქის მცველების თავის ტკივილისთვის.

კინი 6 – ცდილობს, მაგრამ უფრო მეტად დაბნეულობას იწვევს, ვიდრე სახიფათო მომენტს ქმნის.

კიეზა 5.5 – ვლაჰოვიჩის გვერდით ითამაშა და სიღრმე უნდა გაეფართოებინა, ეს მხოლოდ ნაწილობრივ მოახერხა.

დი მარია შ.გ – მან ბოლო წუთები ითამაშა.

ალეგრი 6.5 – არაფერი დათმო და დამსახურებულად დაამარცხა „ლაციო“, რითაც იტალიის თასის ნახევარფინალში გავიდა. კარგი რეაქცია.