“იუვენტუსმა” პიაცა კიდევ ერთხელ გაანათხოვრა

ტურინის „იუვენტუსმა“ ხორვატი შემტევი ნახევარმცველი მარკო პიაცა კიდევ ერთხელ გაანათხოვრა. ამჯერად ის „ტორინოში“ გადავიდა.

პიაცა ტურინულ გუნდს იჯარით შეუერთდა და მისი გამოსყიდვის უფლება ექნება.

პიაცა „იუვემ“ 2016 წელს დაიმატა, მაგრამ 2017 წელს მძიმე ტრავმა მიიღო და მას შემდეგ ტურინულ გრანდში თავის გამოჩენის შანსი არ მისცემია. ის იჯარით სხვადასხვა კლუბებში თამაშობდა, გასული სეზონი კი „ჯენოაში“ გაატარა.