ბონუჩიმ ტრავმა მიიღო, კიეზა “არსენალთან” ვერ ითამაშებს

ტურინის „იუვენტუსში“ ტრავმების ეპიდემია გრძელდება. ლეონარდო ბონუჩი ვარჯიშზე დაშავდა და მყესის დაზიანება აღენიშნება.

როგორც იტალიური გუნდის ვებგვერდი იტყობინება, ვეტერანი მცველი 10 დღე დაისვენებს და მომდევნო სამედიცინო გამოკვლევა სწორედ 10 დღეში ჩაუტარდება, რის შედეგადაც მისი მდგომარეობა შეფასდება.

გარდა ამისა, გუშინ ვარჯიშზე კოჭის ტრავმა მიიღო ფედერიკო კიეზამ. იტალიური მედიის ინფორმაციით, სერიოზული არაფერია, მაგრამ 17 დეკემბერს, „არსენალთან“ ამხანაგურ მატჩში კიეზა ვერ ითამაშებს.

შეგახსენებთ, რომ სეზონი 4 იანვარს განახლდება და „იუვენტუსი“ სტუმრად „კრემონეზეს“ დაუპირისპირდება.