ანდრეა კამბიასომ სამედიცინო შემოწმება გაიარა

ანდრეა კამბიასომ J Medical-ში სამედიცინო შემოწმება გაიარა და “იუვენტუსთან” კონტრაქტს გააფორმებს.

„იუვემ“ გენუურ კლუბს 4 მილიონ ევრო და რუმინელი მცველის, რადუ დრაგუშინის სატრანსფერო უფლებები დაუთმო.

ამრიგად, კამბიასო, რომელიც მარცხენა მცველია, მაგრამ მარჯვენა ფლანგზეც შეუძლია თამაში, ტურინულ კლუბს შეუერთდა. თუმცა, არაა გამორიცხული „იუვემ“ ის სათამაშო პრაქტიკის მისაღებად ერთი სეზონი სხვა კლუბში გაანათხოვროს.

გასულ სეზონში იტალიის 21-წლამდე ნაკრების მცველმა „ჯენოას“ რიგებში 26 მატჩი ჩაატარა და 1 გოლის გატანა მოახერხა.

#Juventus: terminate le visite mediche di #Cambiaso // Cambiaso has finished his medical at Juventus 🇮🇹⚪️⚫️ @Goalitalia @Goal pic.twitter.com/R2I7B8vy4h

— Romeo Agresti (@romeoagresti) July 13, 2022