სერხიო რამოსი: “კიელინი და ბონუჩი გმირები არიან”

“პარი სენ ჟერმენის” ახალწვეულმა სერხიო რამოსმა განაცხადა, რომ ესპანეთში ვარსკვლავებს კარგად არ ექცევიან და მაგალითად იტალია მოიყვანა. თქვა, რომ იქ ჯორჯო კიელინი და ლეონარდო ბონუჩი გმირები არიან.

„ესპანეთში ვარსკვლავებს ცუდად ექცევიან. ყოველთვის ერთი და იგივე ამბავია, პრობლემა გვაქვს, როგორც ქვეყანას, ფილოსოფია არ იცვლება. მე ვხედავ იტალიას, სადაც ბონუჩი და კიელინი გმირები არიან. ჩვენთან ფეხბურთელების მიმართ აღფრთოვანება არ არის, სამწუხაროა, მაგრამ ეს რეალობაა. ეს არ არის ის, რაც მე განვიცდი, არამედ სხვებიც. როდესაც ქვეყანაში ჩემპიონები გვყავს, მათ ყურადღება უნდა მივაქციოთ. ნაკლები შურია საჭირო“, – თქვა სერხიო რამოსმა.

შეგახსენებთ, რომ სერხიო რამოსი ესპანეთის ნაკრებში ევროპის ჩემპიონატისთვის არ გამოიძახეს.