მთავარი / სიახლეები / მანჩინი: “შემადგენლობაში როტაცია იქნება, მაგრამ უნდა მოვიგოთ”

მანჩინი: “შემადგენლობაში როტაცია იქნება, მაგრამ უნდა მოვიგოთ”

იტალიის ნაკრების მთავარმა მწვრთნელმა რობერტო მანჩინიმ უელსთან მატჩის წინ კომენტარი გააკეთა და თქვა, რომ მისი გუნდი შეუტევს და მოსაგებად ითამაშებს.

„ბოლო 10 დღეში მესამე თამაში იქნება, წინა მატჩებმა დიდი ენერგია წაიღო და ზოგიერთი ფეხბურთელი ოდნავ დაიღალა, დასვენება სჭირდებათ და ეს ერთადერთი შემთხვევაა, როდესაც რაღაცის შეცვლა შეგვიძლია იმის ცოდნით, რომ ჩვენი სათამაშო პროდუქტი დიდად არ შეიცვლება.

ვერატის თამაში შეუძლია. ნათელია, რომ არ არის ისეთ ოპტიმალურ ფორმაშია, როგორც ისინი, რომლებიც რამდენიმე კვირაა თამაშობენ, მაგრამ მისი ტექნიკური თვისებები უთამაშებლობას აანაზღაურებს. ვნახოთ, ძირითადში იქნება თუ არა, ჯერ არ არის გადაწყვეტილი. კიეზას შეტევაში ცენტრფორვარდის გარდა, ნებისმიერ პოზიციაზე შეუძლია თამაში. ის ფლანგის ფეხბურთელია, შვეიცარიასთან ცოტა სხვა როლში გამოვიყენე, მაგრამ რეალურად მისი ფუნქცია განსხვავებულია.

გუნდისგან ვითხოვ, რომ თამაში ისე გააგრძელონ, როგორც აქამდე ყოველთვის თამაშობდნენ. იყვნენ შემტევები და ყველაფერი კარგად გააკეთონ, რადგან ეს მნიშვნელოვანი მატჩის. გვინდა მოვიგოთ და ჯგუფი ლიდერის პოზიციაზე დავასრულოთ. რთული იქნება იმ კუთხითაც, რომ ადრე ვთამაშობთ და ამინდი საკმაოდ ცხელი იქნება. ვნახოთ, რა მოხდება“, – თქვა მანჩინიმ.

შეგახსენებთ, რომ იტალიისა და უელსის ნაკრების მატჩი 20 ივნისს, თბილისის დროით 20:00 საათზე გაიმართება.

შემთხვევითი სიახლე

დიბალა: “იუვეში” ბოლო წლები ჩემთვის ადვილი არ იყო”

პაულო დიბალამ განაცხადა, რომ „რომაში“ გადასვლა მისთვის კარგი იყო, რადგან „იუვენტუსში“ ბოლო წლებში ბევრი სირთულე …

მორატა: “ალეგრიმ “ბარსელონაში” არ გამიშვა”

ტურინის „იუვენტუსის“ ყოფილმა თავდამსხმელმა ალვარო მორატამ განაცხადა, რომ იანვარში „ბარსელონაში“ გადასვლა შეეძლო, მაგრამ მასიმილიანო ალეგრიმ …