კარლოს ტევესმა თავის სიმბოლურ ნაკრებში “იუვეს” 5 ფეხბურთელი შეიყვანა

ვეტერანმა ფეხბურთელმა კარლოს ტევესმა ESPN-თან ინტერვიუში დაასახელა სიმბოლური ნაკრები, რომელიც იმ ფეხბურთელებისგან შედგება, ვისთან ერთადაც მას საკლუბო თუ სანაკრებო კარიერაში უთამაშია.

ტევესის რჩეულ 11-ეულში „იუვენტუსის“ ხუთი ყოფილი ფეხბურთელი მოხვდა. მათ შორის, ჯანლუიჯი ბუფონი, პატრის ევრა (ფრანგი „მანჩესტერშიც“ მისი თანაგუნდელი იყო), პოლ პოგბა და არტურო ვიდალი ტევესის თანაგუნდელები „იუვეში“ იყვნენ, ხოლო კრიშტიანუ რონალდო ასევე თამაშობდა ტურინულ გრანდში, თუმცა ტევესის პერიოდში არა. ისინი ერთად „მანჩესტერში“ ირჯებოდნენ.

ტევესმა სიმბოლური ნაკრების შედგენისას აღნიშნა, რომ მისთვის ძალიან რთული იყო ამ სიმბოლურს მიღმა ანდრეა პირლოს დატოვება, რომელიც 11-ეულში ვერ მოხვდა.

ტევესის სიმბოლური ნაკრები ასეთია:

მეკარე: ჯანლუიჯი ბუფონი

მცველები: უგო იბარა, როლანდ სკიავი, რიო ფერდინანდი, პატრის ევრა

ნახევარმცველები: პოლ პოგბა, პოლ სქოულზი, არტურო ვიდალი

თავდამსხმელები: ლიონელ მესი, კრიშტიანუ რონალდუ, უეინ რუნი