Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ მენეჯერმა ფრანჩესკო კალვომ პოლ პოგბასთან კონტრაქტის შესაძლო გაწყვეტის შესახებ გავრცელებული ინფორმაცია უარყო. გარდა ამისა, მან გამოძიებაზე გააკეთა კომენტარი.
„პოგბა? ჭორები ჩვენც გავიგეთ, მაგრამ კატეგორიულად უარვყოფ, რომ კონტრაქტის გაწყვეტაზე ვფიქრობთ. ვხედავთ, რომ ენთუზიაზმით და მონდომებული ვარჯიშობს და მოედანზე ველოდებით.
გამოძიება? კლუბმა ცალსახად დააფიქსირა თავისი პოზიცია, მიგვაჩნია, რომ გადაწყვეტილება უსამართლო და ალოგიკურია, ამიტომ, გავაგრძელებთ თავის დაცვას ყველა შესაბამის ფორუმზე დიდი პატივისცემით. სანტორიელო და მისი სიტყვები? ზოგიერთმა წინადადებამ შეიძლება სხვა მნიშვნელობა მიიღოს, თუ კონტექსტიდან ამოგლეჯილია. „იუვე“ ყველას პატივს სცემს და ყველასგან იმავეს ითხოვს“, – თქვა კალვომ.
