მთავარი / სიახლეები / “იუვეს” წარმომადგენლები პოგბას და დე ლიხტის აგენტს შეხვდნენ

“იუვეს” წარმომადგენლები პოგბას და დე ლიხტის აგენტს შეხვდნენ

ტურინის „იუვენტუსის“ წარმომადგენლები პოლ პოგბასა და მატაის დე ლიხტის აგენტს, რაფაელა პიმენტას შეხვდნენ. ამის შესახებ იტალიური მედია იტყობინება.

მხარეებმა პოგბას ტრანსფერზე ბოლო დეტალები შეათანხმეს და განსაკუთრებული სიახლე არაფერია – ფრანგის „იუვეში“ ტრანსფერი გადაწყვეტილია, მაგრამ უცნობია ინფორმაცია ოფიციალურად როდის დადასტურდება. პოლი 3-წლიან კონტრაქტს გააფორმებს და სეზონში 8 მილიონ ევროს მიიღებს, რასაც ბონუსებიც დაემატება.

დე ლიხტის შესახებ კი საუბარი კონტრაქტის განახლებაზე იყო, რომელიც 2024 წელს იწურება. თუმცა, ამ მხრივ, საქმე უფრო რთულადაა, რადგან ნიდერლანდელ მცველს ინგლისის პრემიერლიგიდან აქვს წინადადებები.

„იუვენტუსის“ პოზიცია ურყევია – სურთ დე ლიხტი შეინარჩუნონ და ხელშეკრულება ორი წლით გაუხანგრძლივონ. ამიტომაც, მხარეები უახლოეს დღეებში ამ თემის განსახილველად კიდევ ერთხელ შეხვდებიან.

შემთხვევითი სიახლე

ჯუღელი: “იუვესთან” წინასწარი შეთანხმება გვქონდა და დღეს ხვიჩა ამ გუნდში უნდა ყოფილიყო”

საქართველოს ნაკრების ფეხბურთელის, ხვიჩა კვარაცხელიას აგენტმა მამუკა ჯუღელმა განაცხადა, რომ ქართველი ფეხბურთელი ძალიან ახლოს იყო …

“იუვენტუსმა” “ჯენოას” მცველის ტრანსფერი შეათანხმა

ტურინის „იუვენტუსმა“ „ჯენოას“ 22 წლის მცველის, ანდრეა კამბიასოს ტრანსფერზე შეთანხმებას პრაქტიკულად მიაღწია. იტალიური მედიის ცნობით, …