“იუვენტუსს” რენან ლოდის შეძენა სურს

ტურინის „იუვენტუსს“ მადრიდის „ატლეტიკოს“ მარცხენა მცველი რენან ლოდი დაუკავშირეს.

Tuttosport-ი იტყობინება, რომ „ბიანკონერი“ 23 წლის ბრაზილიელი ფეხბურთელით დაინტერესებულია და ზაფხულში მის შეძენას ეცდება. ლოდის მადრიდელებთან კონტრაქტი 2025 წლამდე აქვს გაფორმებული, ფინანსური დეტალები ჯერ უცნობია.

სამხრეთამერიკელ ფეხბურთელს „იუვენტუსში“ ალექს სანდროს შემცვლელად მოიაზრებენ, რომელიც კლუბის სამომავლო გეგმებში აღარ ჯდება.

მიმდინარე სეზონში რენან ლოდიმ „ატლეტიკოს“ რიგებში ყველა ტურნირზე 28 მატჩი ჩაატარა, 1 გოლი გაიტანა და 4 საგოლე პასი გააკეთა.