“იუვენტუსმა” უკრაინიდან ლტოლვილი ბავშვები იტალიაში წაიყვანა

ტურინის „იუვენტუსი“ უკრაინელ ლტოლვილებს დაეხმარა და ჰუმანიტარულ აქციაში ჩაერთო.

„იუვეს“ ხელმძღვანელობამ 80 უკრაინელი ლტოლვილი ბავშვი იტალიაში წაიყვანა, თავიანთ მშობლებთან ერთად და მანამ, სანამ უკრაინაში ომი იქნება, მათ ყველა საჭიროებით უზრუნველყოფს.

„იუვენტუსის“ 20-კაციანი დელეგაცია, რომელთა შორის მაურიციო არივაბენე, ექიმი ლუკა სტეფანინი და ანდრეა ანიელის მეუღლე, დენიზ აკალინიც იყვნენ. ტურინული გრანდის ხელმძღვანელობამ 6-დან 14-წლამდე 80 ბავშვს უკრაინა-უნგრეთის საზღვარზე ჩააკითხა და ისინი იტალიაში წაიყვანეს. ზოგიერთი მათგანი საფეხბურთო სკოლის წევრია და ვარჯიშს ტურინში გააგრძელებენ.

Una mano tesa verso chi sta soffrendo per la guerra.
Un viaggio per consegnare cibo, medicine e indumenti.
80 persone portate in salvo in Italia.https://t.co/Of0SdjRFOW pic.twitter.com/CFDsV3rdTB

— JuventusFC (@juventusfc) March 12, 2022

„არ შეიძლებოდა, ამ სიტუაციას მხოლოდ დავკვირვებოდით და არაფერი გაგვეკეთებინა. მხოლოდ კომენტარს ვერ გააკეთებდი, თუ ქმედით ნაბიჯს არ გადადგამდი. ომი უკრაინაში ტკივილს და სიკვდილს იწვევს, ის ანგრევს მილიონობით ადამიანის ყოველდღიურ ცხოვრებას. ხალხი იძულებულია თავი სხვა ქვეყნებს შეაფაროს. არის შემთხვევები, როცა აუცილებელია იმის დემონსტრირება კონკრეტული ქმედებებით, რომ ასეთ ადამიანებთან ახლოს ვართ. ზოგიერთი ლტოლვილის შესახებ უკრაინის ფეხბურთის ფედერაციამ მოგვმართა, რათა უსაფრთხოდ ყოფილიყვნენ კიევის, ხარკოვისა და სხვა ქალაქების დაბომბვის შემდეგ“, – წერია „იუვენტუსის“ განცხადებაში.