“იუვენტუსმა” ახალი სეზონისთვის შეკრება დაიწყო

ტურინის „იუვენტუსი“ 2021-2022 წლების სეზონისთვის მზადებას იწყებს. გუნდი პირველ ვარჯიშს ხვალ ჩაატარებს, მაგრამ მანამდე დღეს J Medical-ში მივიდნენ ფეხბურთელები, სადაც სამედიცინო შემოწმებას გაივლიან.

კლუბში პაულო დიბალა, არტური, ვესტონ მაკკენი და კარლო პინსოლიო გამოცხადნენ, ახალგაზრდა ფეხბურთელების გარდა. ასევე, იჯარით „იუვეში“ დაბრუნებული მოთამაშეები – დანიელე რუგანი, მატია დე შილიო, მატია პერინი და მაროკ პიაცა.

რა თქმა უნდა, ჯერ გუნდში არ არიან ის ფეხბურთელები, რომლებმაც ევროპის ჩემპიონატსა და კოპა ამერიკაზე ითამაშეს. ამ კატეგორიის ფეხბურთელებიდან გუნდს ყველაზე გვიან იტალიელი ფეხბურთელები და შეუერთდებიან, რადგან მათ ფინალი ითამაშეს. იგივე ითქმის ხუან კუადრადოზე, დანილოსა და ალექს სანდროზე.

J Medical-ში მივიდა მასიმილიანო ალეგრიც, რომელიც „იუვეს“ 2 წლის მერე დაუბრუნდა და ტიფოზები შეძახილებით დახვდნენ. აქვე გეტყვით, რომ დღეს სერია A-ს ახალი სეზონის კალენდარი გახდება ცნობილი.

Massimiliano #Allegri al J Medical nel primo giorno di ritiro #Juve ✔ pic.twitter.com/YCx5bUrXgB

— JuventusNews24.com (@junews24com) July 14, 2021