მთავარი / სიახლეები / “იუვენტუსის” ქალთა გუნდმა ისტორია დაწერა და ჩემპიონთა ლიგის მეოთხედფინალში გავიდა

“იუვენტუსის” ქალთა გუნდმა ისტორია დაწერა და ჩემპიონთა ლიგის მეოთხედფინალში გავიდა

ტურინის „იუვენტუსის“ ქალთა გუნდმა ისტორია დაწერა და ჩემპიონთა ლიგის მეოთხედფინალში გავიდა.

ჯეი მონტერუმოს გუნდმა A ჯგუფში ასპარეზობა 11 ქულით დაასრულა და მეორე ადგილი დაიკავა, რაც პლეი-ოფის საგზურის ტოლფასია. ბოლო ტურში „იუვემ“ ჯგუფის აუტსაიდერ ჟენევის „სერვეტს“ ადვილად, 4:0 მოუგო. დუბლი შეასრულა კრისტიანა ჯირელიმ, თითო გოლი ლინა ჰურტიგისა და ანიეზე ბონფანტინის ანგარიშზეა.

საბოლოოდ, ჯგუფში პირველ ადგილზე „ვოლფსბურგი“ 11 ქულით გავიდა, რომელსაც „იუვენტუსმა“ 2:0 მოუგო სტუმრად, შინ კი ფრედ, 2:2 ეთამაშა. ასევე 11 ქულა დააგროვა გასული სეზონის ფინალისტმა „ჩელსიმ“, მაგრამ ინგლისელები ჯგუფში ჩარჩნენ.

ბურთების ბალანსით „ვოლფსბურგს“ პირველი ადგილი ერგო, „იუვენტუსს“ მეორე და მეოთხედფინალში გავიდნენ, ხოლო „ჩელსი“, ტურნირის ერთ-ერთო ფავორიტი ჯგუფში ჩარჩა.

ქალთა ჩემპიონთა ლიგა პირველად ტარდება ჯერ ჯგუფური ეტაპის და შემდეგ პლეი-ოფის სისტემით და „იუვენტუსმაც“ მეოთხედფინალში თამაშის უფლება პირველად მოიპოვა. ტურინელთა მეტოქე ორშაბათს წილისყრით გაირკვევა.

„იუვენტუსი“ – „სერვეტი“ 4:0 (2:0)

გოლები: 1:0 ჰურტიგი (12), 2:0 ჯირელი (20, პენ), 3:0 ჯირელი (64, პენ), 4:0 ბონფანტინი (90)

შემთხვევითი სიახლე

ჯუღელი: “იუვესთან” წინასწარი შეთანხმება გვქონდა და დღეს ხვიჩა ამ გუნდში უნდა ყოფილიყო”

საქართველოს ნაკრების ფეხბურთელის, ხვიჩა კვარაცხელიას აგენტმა მამუკა ჯუღელმა განაცხადა, რომ ქართველი ფეხბურთელი ძალიან ახლოს იყო …

“იუვენტუსმა” “ჯენოას” მცველის ტრანსფერი შეათანხმა

ტურინის „იუვენტუსმა“ „ჯენოას“ 22 წლის მცველის, ანდრეა კამბიასოს ტრანსფერზე შეთანხმებას პრაქტიკულად მიაღწია. იტალიური მედიის ცნობით, …