“იუვემ” ბოლო სპარინგი მოიგო

ტურინის “იუვენტუსმა” ახალი სეზონის წინ ბოლო ამხანაგური მატჩი გამართა და კონტინასას ბაზაზე 23-წლამდე გუნდს დაუპირისპირდა.

ოჯახური სპარინგი მთავარი გუნდის იოლი გამარჯვებით დასრულდა – 3:0. სამივე გოლი პირველ ტაიმში გავიდა. ჯერ პაულო დიბალამ ანგარიში გახსნა, მერე ალვარო მორატამ გაიტანა, ხოლო საბოლოო შედეგი აარონ რემზიმ დააფიქსირა.

“იუვენტუსი” სეზონის პირველ ოფიციალურ თამაშს 22 აგვისტოს, სტუმრად “უდინეზესთან” გამართავს.