დი მარიას, კიეზას და ალექს სანდროს სამედიცინო შემოწმების შედეგები ცნობილია

ტურინის „იუვენტუსის“ ფეხბურთელებს, ანხელ დი მარიას, ფედერიკო კიეზასა და ალექს სანდროს სამედიცინო გამოკვლევა ჩაუტარდა.

სამივე მოთამაშემ სხვადასხვა სახის დაზიანებები „ფრაიბურგთან“ შეხვედრაში მიიღო. ალექს სანდროს ტრავმა დადასტურდა. ბრაზილიელი გუნდს მხოლოდ აპრილში, სანაკრებო პაუზის შემდეგ დაბრუნდება.

კიეზას და დი მარიას ტრავმები არ დადასტურდა. თუმცა, ორივე ფეხბურთელი სიფრთხილის მიზნით „სამპდორიასთან“ სავარაუდოდ, დაისვენებს. თანაც, მათი მდგომარეობა დღითიდღე უნდა შეფასდეს.

სავარაუდოდ, კიეზა და დი მარია „ფრაიბურგთან“ საპასუხო შეხვედრისთვის მზად იქნებიან.