“შენ “იუვე” ხარ” – “ინტერის” ტიფოზები გალიარდინის წინააღმდეგ

მილანის „ინტერის“ ტიფოზებმა რობერტო გალიარდინის შეუტიეს. იტალიელმა ნახევარმცველმა „სასუოლოსთან“ 2:1-ზე ცარიელ კარში ორი მეტრიდან ვერ გაიტანა და საკუთარი გუნდის ვერმოგებაში წვლილი შეიტანა.

სოციალურ ქსელში გაჩნდა წარწერები – „შენ „იუვე“ ხარ! გალიარდინის ისიც გაუხსენეს, როგორ იმყოფებოდა 2017 წლის 11 აპრილს „ალიანც სთედიუმზე“ ლეონარდო სპინაცოლასთან ერთად „იუვე“ – „ბარსელონას“ მატჩის საყურებლად.

შეგახსენებთ, რომ „ინტერმა“ „სასუოლოს“ ვერ მოუგო (3:3) და „იუვეს“ 8 ქულით ჩამორჩა.