რონალდუმ “იუვენტუსში” კიდევ ერთი რეკორდი დაამყარა

კრიშტიანუ რონალდუმ “იუვენტუსში” მორიგი რეკორდი დაამყარა. მიმდინარე სეზონში სერია A-ში 8 ტური გაიმართა, მაგრამ პორტუგალიელმა მხოლოდ ხუთში ითამაშა, რადგან დანარჩენი მატჩები კორონავირუსის გამო გამოტოვა.

რონალდუმ ჩატარებულ ხუთივე თამაშში შეძლო გოლის გატანა. “სამპდორიას” და “ლაციოს” თითოჯერ გაუტანა, ხოლო “რომასთან”, “სპეციასთან” და “კალიარისთან” დუბლი შეასრულა. მას შემდეგ, რაც გუნდები ერთი გამარჯვებისთვის 3 ქულას იღებენ (1994 წლიდან), რონალდუ “იუვენტუსის” პირველი ფეხბურთელია, რომელმაც სერია A-ს სეზონის სტარტზე საწყის ხუთ შეხვედრაში ზედიზედ მოახერხა გოლების გატანა.

კრიშტიანუ ბომბარდირთა დავაში ზლატან იბრაჰიმოვიჩს წამოეწია და ორივე ფეხბურთელს 8-8 გოლი აქვთ გატანილი.

5 – Cristiano #Ronaldo è il primo giocatore della Juventus ad essere andato a segno in tutte le sue prime cinque presenze stagionali di Serie A nell’era dei tre punti a vittoria (dal 1994/95). Alieno.#JuveCagliari pic.twitter.com/zLpODUCRfC

— OptaPaolo (@OptaPaolo) November 21, 2020