რონალდუ სავარაუდოდ ზაფხულში “იუვენტუსს” დატოვებს

ტურინის “იუვენტუსს” კრიშტიანუ რონალდუ ზაფხულში ალბათ დატოვებს. იტალიური მედია ამის შესახებ პრაქტიკულად ყოველდღე წერს.

Gazzetta Dello Sport-ის ინფორმაციით, რონალდუ თანაგუნდელებთან კონტაქტსაც ერიდება და ძალიან უკმაოყფილოა. ბოლო პერიოდის წარუმატებელმა გამოსვლებმა ყველაფერი გაართულა.

რონალდუმ ჟორჟე მენდეშს ახალი კლუბის მოძებნაც დაავალა, მაგრამ ჯერჯერობით კონკრეტული ცნობები არ გავრცელებულა.

შეგახსენებთ, რომ მიმდინარე სეზონში კრიშტიანუს 32 გოლი აქვს გატანილი, ის “იუვენტუსს” 2018 წელს მადრიდის “რეალიდან” შეუერთდა.