ტურინის „იუვენტუსი“ იტალიის თასის ფინალში დიდი ალბათობით ჯორჯო კიელინის, გონსალო იგუაინისა და აარონ რემზის გარეშე ითამაშებს.
სამივემ ნახევარფინალური მატჩი „მილანის“ წინააღმდეგ გამოტოვა და დიდი შანსია, ვერც რომში ითამაშონ.
ისინი ჯერ კიდევ ინდივიდუალურად ემზადებიან, რაც პრაქტიკულად შეუძლებელს ხდის, რომ მატჩში, რომლის გამართვამდე ორი დღეა დარჩენილი, ითამაშონ.
შეგახსენებთ, რომ 17 ივნისს, რომის ოლიმპიურ სტადიონზე „იუვე“ „ნაპოლის“ დაუპირისპირდება.