ადრიენ რაბიო დიდი ალბათობით, ზაფხულში „იუვენტუსს“ დატოვებს. ფრანგმა ფეხბურთელმა ტურინში ფეხი ვერ მოიკიდა, თავად ხელფასის შემცირებითაა უკმაყოფილო, ხოლო გუნდი მისი უფერული და უხარისხო თამაშით.
L’Equipe-ს ინფორმაციით, რაბიოს გადაბირება ლივერპულის „ევერტონს“ სურს და ფეხბურთელიც თანახმაა ინგლისში გადასვლაზე. რაბიოს კარლო ანჩელოტისთან მუშაობის პერსპექტივა ხიბლავს, რომელიც მისი მწვრთნელი პსჟ-ში იყო.
შესაძლო ტრანსფერის ფინანსურ მხარეზე ჯერ არაფერია ცნობილი. შეგახსენებთ, რომ ფრანგი „იუვეს“ გასულ ზაფხულს თავისუფალი აგენტის სტატუსით შეუერთდა და 25 მატჩში გოლი არ გაუტანია.