მთავარი / სიახლეები / სერია A / პირველად სეზონში: ზედიზედ მეორე გამარჯვება სერია A-ში

პირველად სეზონში: ზედიზედ მეორე გამარჯვება სერია A-ში

ტურინის „იუვენტუსი“ სერია A-ს მე-11 ტურში გენუაში „ჯენოას“ ესტუმრა და დაძაბულ ბრძოლაში დაამარცხა. ანდრეა პირლოს გუნდს ძალიან გაუჭირდა, მაგრამ ბოლოს მეტოქე მაინც გატეხა და გამარჯვება იზეიმა.

პირველი ტაიმი უგოლოდ დასრულდა. 57-ე წუთზე კი ანგარიში პაულო დიბალამ გახსნა. არგენტინელმა შემტევმა საჯარიმოში ტექნიკურად ითამაშა და ზუსტად დაარტყა. თუმცა, „იუვემ“ უპირატესობა 4 წუთი შეინარჩუნა. სტეფანო სტურარომ, რომელიც ადრე „იუვეში“ თამაშობდა, ზუსტი დარტყმით გაათანაბრა.

„იუვენტუსმა“ ზეწოლა კიდევ უფრო გააძლიერა და ამან შედეგი გამოიღო. ხუან კუადრადომ 76-ე წუთზე პენალტი მოიპოვა, რომელიც კრიშტიანუ რონალდუმ ზუსტად დაარტყა. ბოლო წუთზე კი გენუელთა კარში კიდევ ერთხელ დაინიშნა თერთმეტმეტრიანი და კრიშტიანუმ დუბლი შეასრულა – 1:3.

აღსანიშნავია, რომ „იუვეს“ სასარგებლოდ ორივე პენალტი სამართლიანად დაინიშნა, თუმცა სამი გოლი არ ჩაუთვალეს ტურინელებს, ამ შემთხვევაშიც სამართლიანად. მოკლედ, „იუვემ“ მოიგო, მიმდინარე სეზონში სერია A-ში ზედიზედ ორ თამაშში პირველად იმარჯვა.

მომდევნო მატჩი „ბებერ სინიორას“ ბერგამოს „ატალანტასთან“ ელოდება.

„ჯენოა“ – „იუვენტუსი“ 1:3 (0:0)

გენუა, „მარასი“

„ჯენოა“ (4-4-2): პერინი; გოლდანიგა, ბანი, მაზიელო, პელეგრინი; ლერაგერი, რადოვანოვიჩი (კაზო 82), როველა (პანდევი 82), სტურარო (ბეჰრამი 66); პიაცა (შომუროდოვი 73), სკამაკა (დესტრო 66)

მწვრთნელი: როლანდო მარანი

„იუვენტუსი“ (4-4-2): შჩესნი; კუადრადო, დე ლიხტი, ბონუჩი, ალექს სანდრო; მაკკენი, ბენტანკური, რაბიო (მორატა 67), კიეზა (ბერნარდესკი (84); დიბალა (კულუშევსკი 83), რონალდუ

მწვრთნელი: ანდრეა პირლო

გოლები: 0:1 დიბალა (57), 1:1 სტურარო (61), 1:2 რონალდუ (78, პენ), რონალდუ (90, პენ)

გაფრთხილება: გოლდანიგა (15) – რაბიო (2), მაკკენი (77), ბენტანკური (83)

სტატისტიკა – კარისკენ დარტყმები: 3 (2) – 17 (9) ბურთის ფლობა: 29% – 71% კუთხურები: 1:3 თამაშგარე: 0:10

მსაჯი: მარკო დი ბელო

შემთხვევითი სიახლე

დი ლივიო: “პირლოს ბედი “პორტუსთან” გადაწყდება, 1/8 ფინალიდან გავარდნა კატასტროფა იქნება”

ტურინის „იუვენტუსის“ ყოფილმა ფეხბურთელმა ანჯელო დი ლივიომ იტალიურ მედიას განუცხადა, რომ ანდრეა პირლოს მომავალი მთლიანად …

ანდრეა პირლოს პრესკონფერენცია “კროტონესთან” მატჩამდე

ტურინის „იუვენტუსის“ მთავარმა მწვრთნელმა ანდრეა პირლომ „კროტონესთან“ მატჩის წინ პრესკონფერენცია გამართა და გუნდში არსებულ სიტუაციაზე …