პირლო: “თამაშით კმაყოფილები ვართ, შედეგით – არა”

ტურინის „იუვენტუსის“ მთავარმა მწვრთნელმა ანდრეა პირლომ „ლაციოსთან“ (1:1) მატჩის შემდეგ კომენტარი გააკეთა. იტალიელი კმაყოფილი დარჩა თამაშით, მაგრამ შედეგით არა.

„თამაში კმაყოფილი ვარ, შედეგით არა. კარგად დავიწყეთ და „ლაციოს“ კარში დარტყმის შესაძლებლობა არ მივეცით. თამაშებს და სკუდეტოს დეტალები იგებს, ბოლო წუთები სათანადოდ ვერ ვმართეთ. თამაშის მართვის დროს ყველაზე მნიშვნელოვნი მენტალური მდგრადობაა, თუ ეს მხრივ დადებითად ვერ განეწყობი ყველაფერი ცუდად დამთავრდება. ბიჭებმა ყველაფერი გააკეთეს, იმედგაცრუებულები ვართ შედეგით. ბევრად მეტი დავიმსახურეთ.

ცივსისხლიანობა დაგვაკლდა, სურვილი შედეგის მისაღწევად. ჩემპიონატის მოსაგებად საჭიროა წამები და დეტალები არ დავთმოთ. დღეს ეს გავაკეთეთ მატჩის ძირითადი ნაწილი, მაგრამ ძალიან ცუდი ვიყავით ბოლო 15 წამში. გოლი არ უნდა გაგვეშვა.

რონალდუ ჩვენთვის ფუნდამენტურია, არამხოლოდ ჩვენთვის, სადაც არ უნდა იყოს. მას კოჭის პრობლემა ჰქონდა და იძულებული გახდა მოედანი დაეტოვებინა. ბოლოს ბურთის კონტროლი ვერ შევძელით, მაგრამ საერთ ჯამში კმაყოფილები ვართ.

კუადრადოს შეეძლო 2:0 გაეხადა ანგარიში? როგორც უკვე ვთქვი, დეტალები იგებს თამაშს. მან შესანიშნავი თამაში ჩაატარა, მაგრამ სახლში 3 ქულის წამოსაღებად მეტის გაკეთებაა საჭირო. ყოველთვის ვმუშაობ გასაუმჯობესებლად. სამწუხაროდ ყველა თამაშში გვაკლდება ფებურთელები, დღეს კიეზა, კიელინი, დე ლიხტი და ალექს სანდრო არ გვყავდა. თუმცა, ეს არ არის ალიბი, ყველა თამაში მნიშვნელოვანი უნდა იყოს“, – თქვა პირლომ.

შეგახსენებთ, რომ „იუვენტუსს“ 7 ტურის შემდეგ მხოლოდ 13 ქულა აქვს.