მეკარეებმა ყველა დროის საუკეთესო მეკარედ ბუფონი აღიარეს

ტურინის „იუვენტუსის“ მეკარე ჯანლუიჯი ბუფონი Gazzetta Dello Sport-ის მიერ მეკარეებში ჩატარებული გამოკითხვის შედეგად ყველა დროის საუკეთესო მეკარედ დასახელდა. იტალიურმა გამოცემა 18 მეკარე გამოკითხა და გადაწყვეტილება ერთსულოვანი იყო.

გამოკითხვაში დინო ძოფი, პეტერე შმეიხელი, სანტიაგო კანისარესი, რუშთუ რეჩბერი, მანუელ ნოიერი, ჟულიო სეზარი და სხვა მეკარეები მონაწილეობდნენ და ჯიჯი ასე დაახასიათეს“

„იაშინი, ჩვენთვის რუსებისთვის ლეგენდაა, მაგრამ ჯიჯის მეტი კლასი აქვს“ – ვიაჩესლავ მალაფეევი.

„დიდი პროფესიონალია, ლიდერი, უზარმაზრი ქარიზმით, რომელიც ნებისმეირ ხარისხს სცილდება“ – მიშელ პრიუდომი.

„ჯიჯი, შენი გულით და ძალისხმევით, მაგალითი ხარ მათთვის, ვინც იბრძვის. მადლობა შენი საოცრებებისთის“ – სანტიაგო კანისარესი.

„მან ფეხბურთში თავისი სტილი დაამკვიდრა, არავის ჰქონია მისი მსგავსი კარიერა“ – თომას რაველი.

„მე დიდ პატივს ვცემ ბუფონი, მას უნიკალური პროფესიონალიზმი აქვს. გასაკვირი არ არის, რომ კვლავ ძალიან მაღალ დონეზე თამაშობს“ – რუშთუ რეჩბერი.

„ის წარმოუდგენლად დიდია. უნიკალური თვისებებით. სიგიჟეა, რაც მან გააკეთა“ – მანუელ ნოიერი.

„მისი წყალობით უკეთესი მეკარე გავხდი. ყოველთვის მის გაკვეთილებს ვადევნებდი თვალს“ – ჟულიო სეზარი.

შეგახსენებთ, რომ ჯანლუიჯი ბუფონის პროფესიონალური დებიუტი 1995 წლის ნოემბერში შედგა, ხოლო “იუვენტუსში” 2001 წლიდან თამაშობს.

BUFFON IS THE BEST GOALKEEPER OF ALL TIMES 🐐

La Gazetta asked 18 goalkeepers including Neuer, Julio Cesar, Dino Zoff, Peter Schmeichel, to name the best goalkeeper ever… The committee chose Gigi 👑 pic.twitter.com/98RM3IoQlO

— Juve Canal (@juvecanal2) January 2, 2021